Обретение святых мощей преподобного Максима Грека. Часть 1.

Подробности

Родительская категория: Пути

Категория: Обретение мощей преподобного Максима Грека

Писание святей(ше)му патриарху Иову

Свидетелство о житии святаго митрополитомъ Сарскимъ и Подонскимъ Иоасафомъ^* и ключаремъ Иванномъ Микифоровым и многими свидетели.

Святыя Соборныя и Апостольския Церкьви правителю и православъныя християнския кафолические веры утвердителю, господину святейшему православному Патриарху Иову мы смиренни и богомолцы твои Троицы Сергиева монастыря игуменъ Дионисий з братиею повелеша написати о житии преподобнаго отца нашего Максима Грека и о чудесехъ его и к тебъ послахомъ с келаремъ Боголепомъ.

(81 об.) Написа же сия азъ многогрешный и смиренный инокъ Симонь, по повелению келаря инока Боголепа Дамашова, и многимъ благолюбцемъ знающимъ и помнящимъ сего святаго многострадалнаго и преподобнаго отца Максима Грека; писание сие предложихъ вашему смирению, аще сия тако суть. И мнози прочтоша и свидетелстьвоваше чудесы и явления его, яко истинна суть; инии же сумневахуся, якоже и прежде рехъ, и невериемъ одержими бяху. Азъ же сия вся собравъ во уме своемъ грешнемъ, помыслихъ, да не возмнятъ нецыи на мя, яко ученикъ его есмь и любя отца своего похвалениемъ облагаю, да не в ложъ превратятъ истинну, яже самъ ви-дехъ у него своими очима, яже слыша от него преподобныхъ устъ, тая мне (л. 83) верна быша и на сердце незазорно, а от слышанных помыслихъ из-веститися от ведущихъ, иже прежде мене у него быша, понеже Богъ не хощетъ ложными словесы прославляемъ быти и святымъ неугодно есть затейными чудесы похваляемым быти. Сего ради вручихъ сия вся великия соборныя и апостольския церкви ключарю священноиерею Иванну Микитичу, иже со игуменомъ Артемиемъ в Троицкомъ Сергиеве монастыре много по-собствовавъ во исправлении книгъ и в церковномъ согласии на безумныхъ за чистыхъ и Товия о милостыни и о погребении мертвыхъ по царскому повелению не малъ подвигъ показаша. И обретоша же в прежнихъ Служебникахъ харатейныхъ (л. 82 об.) писменныхъ и Потребникахъ, и во многихъ книгахъ многие речи исправи от преписующихъ и неразумных человекъ слова неподобныя вписашася. Но сей святый преподобный Максимъ превзыдесих к похвалению словесному. Но тая бо вся благая дела его, но достойно слышати не малое терпите святаго. От Бога убо дарование се дадеся ему, от юности держашеся крепко всегда в келии своей, якоже молитвы, такоже и к ч(т)ению прилежа, и не отлагаше от себе никогьда ше беседъ евангель-скихъ и апостольскихъ. И ныне вси людие добре его зрятъ, и ведят мнози о немъ, како же в премудрости словесней, и тогда никтоже ни помыслитъ о немъ, ни во умъ никто не прииметъ, каково попечение (л. 83) имея. Но не токмо о святой обители своей, но и о велицемъ царствующемъ граде Москве великъ подвигъ имея, о избавлении града моляся Всемогущему Господу Богу и Спасу нашему Иисусу Христу. И всяка нощъ день ему не всегда, и на чреслехъ своихъ никогда же не сыпахъ, но многие словеса написа про преподобного Максима грека х похвалению его, и чудеса, и явление, и житие, и страдание его Патриарху Иову. И невозможно подробну исчести и списати. И дойде писание к Патриарху вся, яже о преподобнемъ, и посылает Святейший Патриархъ митрополита Сарскаго и Подонскаго Иосифа с ключаремъ Иоанномъ и со многим освещеннымъ чиномъ освителствовати святыя мощи (л. 83 об.) преподобного отца Максима Грека.