Обретение святых мощей преподобного Максима Грека. Часть 1.

Подробности

Родительская категория: Пути

Категория: Обретение мощей преподобного Максима Грека

 Сказание о кончине и погребении преподобного Максима Грека

Преподобный отецъ нашъ Максимъ мало поживе после боголюбиваго игумена Артемия и позна себе отшествие свое ко Господу, и мало поболевъ от темничнаго ради страдания. И тогда никако же от церкве не отлучаяся, яко же преже обыклъ уже, зело немощенъ сый наканоне смерти своея литоргию служаше самъ, и к вечерни, и ко заутрене, и к литоргии. И в самый той день исхода своего не хотя убавити подвига своего: того же дни к вечерьне время приспе, и воставъ от ложа своего, наложи на ся клобукъ и мантию, и хотяше отити к церкви; братия же, иже ту, не дающе ему изыти ис келии его, мняху бо, яко пот от лица его исходить. Онъ же (л. 62) преподобный, зря себе конечно уже изнемогша, и слово ко братиямъ изрекъ: но уже братия моя последний мой час. И едва изнемогая от болезни своея, и седе на рогожине своей, и некоихъ от братий благословивъ рукою, и прекрестивъ лице свое, возлеже на своеме одре; и во вторые прекрести лице свое, и хотя-ше третицее прекрестити лице свое, и вознесе на главу свою и пусти на живот, и тако предаде духъ свой в руце Господеви Богу своему. И тако бысть рука его на животе его крестнымъ знамениемъ сложена бысть и не роспространишася.И по преставлении своемъ нача многъ плачь и сетование братии оста-ви, и возрыдающе велми и рекуще: оставль намъ слаткая своя учения, про-светивъ русским странамъ конца божественныхъ писаний исправлениемъ. Тогда бо (л. 62 об.) жалосни органии подвизаются и слезни источницы изливаются, и руская церковная чада умильными словесы своего отца и учителя и наставника венчавают. Ови же приричуще к мощемъ предивнаго отца и учителя, (глаголаху:) како тя наречемъ, предобрый отче? Пророка ли тя, яко провеща намъ неудобь разумеваемая и ведомая нам? Апостола ли тя, яко зыблемую противными нам ветры утверди християнскую веру божествен-ныхъ писаний и учений? Учителя ли тя наричемъ? Но воистинну ни чим же хуждьши и нижши еси великихъ онехъ вселенскихъ учителей. И тако овъ ова, ини же иная проповедуя высокая его исправления, овъ проповедуя учительство, и инъ же еже в темнице и во юзах мученическое страдаше проповедуя. (Л. 63) И тако вси иноцы, и священницы и дияконы стекошася и умилно слезы испущающи; и тако честне и благолепне в той ихъ славней и святей обители Живоначалныя Троицы со псалмопением и благоговением по-гребенъ бысть въ лето 7064, месяца декабря въ 12 день, и память его со всеми святыми избранныими Божиими, и наша Русская страна безпрезстани красуется сладкими словесы его преподобнаго отца нашего великаго страдалца Максима.

К тому же, что еще имамъ глаголати о тебе, предивный отче, или кий языке возможетъ по достоянию проповедати твоя и(с)правления? Зде же оставлю многословия невоздержательны ми, и паки яже о исправлении добрых (л. 63 об.) детели преподобнаго отца нашего Максима имуся. Не бо есть достоинъ яже по ряду вся сказати непостижимая отца оного исправления. В заточении убо достохвалный сей страдалецъ сотвори 22 лета и 9 месяцы и 4 дни, в темницы терпя и во юзахъ страсти быша от Данила митрополита и от злоненавистникъ и небратолюбцевъ велми оклеветан бысть державнейшему; и паки от державнейшаго ис темницы взятъ бысть и помилован, и от Господа Бога и Спаса нашего Иисуса Христа велия благодати и чудодейстъва сподобишася в веце семъ, а в будущем венецъ нетленный прият. Богу нашему слава со безначальным его Отцем и с Пресвятым Духом, и ныне и присно и во веки веком.. Аминь.

(л. 64) А поживе преподобный отецъ нашъ многострадалный Максимъ грекъ всехъ летъ живота своего во преподобии и правде истинне 108 летъ и 2 месяца и 13 дне. А во всемъ страдании своем пребысть 30 лет, а в Российском государьстве пребысть 48 лет и 2 месяца*.

Как сообщают письменные свидетельства, преподобный Максим Грек был погребен около западного угла церкви Сошествия Святаго Духа ― одного из двух храмов, в которых в те годы в Троицком монастыре совершалась богослужение.